16 жастағы Доумен дубль жасап, «Арсеналға» келесі кезеңге өтуге көмектесті
«Арсенал» 2026/27 жылғы Англия Лига кубогындағы жолын жеңіспен бастады. 1/16 финалда Микель Артета шәкірттері сырт алаңда «Ипсвич Таунды» 4:2 есебімен жеңіп, жарыстың келесі кезеңіне өтті, деп хабарлайды Pin-UpSport.kz.
Кездесуде «Арсеналдың» 16 жастағы футболшысы Макс Доумен ерекше көзге түсті. Жас ойыншы командасының төрт голының үшеуіне тікелей атсалысты – екі рет өзі мергендік танытып, тағы бір голға нәтижелі пас берді. Алғашқы голды да Доумен соқты. Арада көп уақыт өтпей, 16-минутта Нони Мадуэке қонақтардың басымдығын еселей түсті.
Екінші таймда Доумен тағы бір гол соғып, дубль жасады. Ал 58-минутта оның берген пасынан кейін Микель Мерино «Арсеналдың» төртінші голын енгізді. Осы сәтте есеп 4:0 болып, лондондықтардың жеңіске жететіні анық көрінді. Дегенмен «Ипсвич Таун» соңына дейін күресті. 62-минутта Анис Мехмети алаң иелерінің алғашқы голын соқса, қосымша уақыттың бірінші минутында Чуба Акпом есеп айырмасын екі допқа дейін қысқартты.
Алайда «Ипсвичтің» камбэк жасауына «Арсенал» мүмкіндік бермеді. Лондондық команда қалған уақытта басымдығын сақтап, Лига кубогының келесі кезеңіне жолдама алды. Айта кетейік, осы кезеңдегі басқа кездесуде «Ливерпуль» өз алаңында «Тоттенхэмді» 3:1 есебімен жеңді.
