Қазақстан Азиада-2026-ға семсерлесуден 22 спортшымен қатысады
Қазақстан құрамасының Аичи мен Нагояда өтетін 2026 жылғы XX жазғы Азия ойындарындағы семсерлесудің барлық алты дисциплинасына 22 спортшы қатысады, деп хабарлайды Pin-UpSport.kz. Жеке сайыстардың әрқайсысында Қазақстаннан екі спортшы бақ сынайды. Сонымен қатар ұлттық құрама командалық жарыстардың барлығына қатысады.
Ерлер арасындағы семсерлесуде Руслан Құрбанов пен Кирилл Проходов жеке сында өнер көрсетеді. Командалық жарысқа олармен бірге Ерлік Сертаев пен Вадим Шарлаимов қатысады. Бұл төрт спортшы Азиадаға 2026 жылғы әлем чемпиондары ретінде барады. Гонконгта өткен әлем біріншілігінде Қазақстан құрамасы тарихта алғаш рет алтын медаль жеңіп, финалда Украинадан 45:40 есебімен басым түскен болатын. Әйелдер арасындағы семсерлесуде жеке сайысқа Ирина Бакалдина мен Владислава Андреева қатысады. Командалық турнирде оларға София Николайчук пен Дарья Самоделкина қосылады.
Ерлер арасындағы қылыштасудан жеке сайыста Артем Саркисян мен Нұрмұхаммед Жайлыбай бақ сынайды. Командалық жарыста олардың қатарына Назарбай Саттархан мен Қуаныш Ерғашбай қосылады. Әйелдер арасындағы қылыштасудан жеке есепте Анастасия Гулик пен Айгерім Сарыбай өнер көрсетсе, командалық сайыста Карина Доспай мен Қайша Жәнібек те қатысады. Ерлер арасындағы рапирадан жеке жарысқа Ғалым Нұрумов пен Тимофей Семенов тіркелген. Командалық сайыста оларға Тамирлан Калиев қосылады.
Әйелдер арасындағы рапирадан Қазақстан сапында София Ақтаева мен Алёна Гноева жеке сайысқа қатысады. Командалық турнирде олардың қатарына Алина Искандерова қосылады. Семсерлесуден Азия ойындарының медальдары 22-27 қыркүйек аралығында сарапқа салынады. Ал Азиада-2026 Жапонияда 19 қыркүйек пен 4 қазан аралығында өтеді.
