Қазақстандық таеквондошылар President’s Cup турнирінде екі алтын медаль жеңіп алды
Қазақстандық таеквондошылар Батырхан Төлеуғали мен Назым Махмұтова Пәкістанның Лахор қаласында өткен President’s Cup турнирінде алтын медаль жеңіп алды, деп хабарлайды Pin-UpSport.kz.
Төлеуғали 87 келіге дейінгі салмақ дәрежесінде жеңімпаз атанды. Финалдық кездесуде қазақстандық спортшы Өзбекстан өкілі Ёдгорбек Джурабоевты жеңді. Ал Махмұтова әйелдер арасындағы 87 келіге дейінгі салмақта топ жарды. Ол финалда Сауд Арабиясының өкілі Дунья Бушуайбтан басым түсті.
Бұған дейін турнирде Нұрай Бауржанова мен Рита Бакишева 49 келіге дейінгі салмақта қола медаль иеленген болатын. Қазақстан құрамасына тағы бір қола жүлдені 63 келіге дейінгі салмақта сынға түскен Азим Ниязов әкелді.
Осылайша, Қазақстан құрамасы President’s Cup турнирін бес медальмен аяқтады. Оның екеуі алтын, үшеуі қола жүлде болды. Лахордағы жарыс қазақстандық таеквондошылар үшін осы маусымдағы халықаралық додалардың бірі болды.
