«Бернли» Дастан Сатпаевты жалға алу үшін 350 мың еуро төлейді
18 жастағы Дастан Сатпаев «Челсиден» «Бернлиге» жалға ауысты. Ағылшын клубы қазақстандық шабуылшының жалға алынуы үшін 350 мың еуро төлейді, деп хабарлайды Pin-UpSport.kz.
Transfermarkt мәліметінше, жалға алу құны 350 мың еуроны құрайды. Бұл шамамен 190 миллион теңгеге тең. Сонымен қатар «Бернли» мен «Челси» арасындағы келісімде Сатпаевтың ойын уақытына қатысты арнайы шарт бар. Яғни келісімнің қаржылық бөлігі қазақстандық футболшының Чемпионшипте тұрақты ойын тәжірибесін алуына байланысты қарастырылған.
«Челси» Сатпаевты ұзақ мерзімді жоспарында қарастырып отыр. Футболшы 18 жасқа толғаннан кейін лондондық клубқа ресми түрде қосылып, 2033 жылға дейін келісімшартқа қол қойды. «Бернлиге» ауысқанға дейін қазақстандық шабуылшы «Челсидің» негізгі құрамымен бірге маусым алдындағы дайындыққа қатысып, «Вестерн Сидней Уондерерс» командасына қарсы жолдастық кездесуде гол соқты.
Сатпаевтың «Бернли» сапындағы дебюті 16 тамызда өтуі мүмкін. Бұл күні команда «Терф Мур» стадионында «Вест Хэмді» қабылдайды. Матч Астана уақытымен 20:00-де басталады. Қазақстандық футболшы үшін бұл жалға алу тұрақты ойын тәжірибесін жинауға мүмкіндік берсе, «Бернли» жас шабуылшымен құрамын күшейтуді көздейді. Сатпаев бұған дейін командаға Премьер-лигаға қайта оралу жолында көмектескісі келетінін айтқан.
