Асу Алмабаев ACBJJ лигасына қосылды
Фото: Zuffa LLC
Қазақстандық UFC файтері Асу Алмабаев енді бразилиялық джиу-джитсу мен грэпплингтен ACBJJ лигасында өнер көрсетеді, деп хабарлайды Pin-UpSport.kz.
Бұл туралы лиганың өзі Instagram-да хабарлап, «Қош келдің, Асу Алмабаев» деп жазба жариялады.
Естеріңде болса, Асу соңғы жекпе-жегін 27 маусымда Бакуде өткен UFC Fight Night 280 турнирінде өткізді. Сол жерде америкалық Чарльз Джонсонды үшінші раундта сирек кездесетін «Сулоев созуы» әдісімен жеңіп, қарсыласын берілуге мәжбүр етті.
Осы әдемі жеңісі үшін Асу 100 мың доллар бонус алып, «Кештің үздік өнері» атанды. Айта кетейік, ACBJJ лигасында Арман Царукян, Белал Мухаммад, Мовсар Евлоев, Забит Магомедшарипов, Бенсон Хендерсон сияқты танымал файтерлер де өнер көрсеткен. Ал қазақстандықтардан бұған дейін Куат Хамитов қатысқан.
