«Арсеналдың» жаңа ойыншысы Винисиус туралы қауесетке пікір білдірді
Лондондық «Арсеналдың» вингері Христос Цзолис мадридтік «Реалдың» шабуылшысы Винисиус Жуниордың ағылшын клубына ауысуы мүмкін деген ақпаратқа қатысты пікір білдірді, деп хабарлайды Pin-UpSport.kz.
24 жастағы грек футболшысы трансферлік қауесеттерге назар аудармайтынын және бар күш-жігерін жаңа командаға бейімделуге бағыттап отырғанын айтты.
«Мен өзіме футболшы ретінде сенімдімін. Сондықтан болашақ туралы немесе клубтың менің позициям бойынша қандай шешім қабылдайтыны жайлы ойламаймын. Тек өз ойынымды дамытуға және командаға тезірек бейімделуге көңіл бөлемін. Маған маусым алдындағы дайындықтың толық кезеңінен өтіп, жолдастық матчтарда ойнап, кейін ресми маусымды бастау бақыты бұйырды. Енді бәрі өзіме байланысты – өз қабілетімді және командаға не бере алатынымды көрсетуім керек. Мұны алдағы ойындарда дәлелдей алатыныма сенімдімін», – деп келтіреді Цзолистің сөзін Sky Sports.
Еске салсақ, Христос Цзолис маусым айының соңында Бельгияның «Брюгге» клубынан «Арсеналға» ауысты. Өткен маусымда ол 54 матч өткізіп, 22 гол соғып, 29 нәтижелі пас берді. Сондай-ақ командасымен бірге Бельгия чемпионы атанып, маусымның үздік ойыншысы атанды.
