ПСЖ Родри үшін «Реалмен» таласқа қосылды
Францияның «ПСЖ» клубы «Манчестер Ситидің» жартылай қорғаушысы Родри үшін мадридтік «Реалмен» бәсекеге түспек, деп хабарлайды Pin-UpSport.kz.
AS басылымының мәліметінше, париждік клубтың президенті Нассер Әл-Хелаифи испаниялық футболшыға «Реалдың» қызығушылық танытып отырғанын білгеннен кейін оның өкілдерімен байланыс орнатуды тапсырған. Осылайша ПСЖ әлемнің үздік жартылай қорғаушыларының бірі үшін күреске араласуды көздеп отыр.
Ақпаратқа сәйкес, француз клубының белсенділігі тек спорттық мақсатпен ғана байланысты емес. ПСЖ басшылығы бұған дейін басты трансферлік нысаналардың бірі саналған Ян Диоманденің «Реалға» ауысуын ауыр қабылдаған. Сондықтан Родриді қатарға қосу мадридтік клубтың жоспарларын бұзудың бір жолы ретінде қарастырылып отыр.
Родри «Манчестер Сити» сапында Англия Премьер-лигасын төрт рет жеңіп, Чемпиондар лигасы, Англия кубогы, Англия лигасы кубогы, УЕФА Суперкубогы және клубтар арасындағы әлем чемпионатының жеңімпазы атанды. Испания құрамасымен әлем және Еуропа чемпионы атанса, 2024 жылы «Алтын доп» иегері болды.
