Джон Джонс Дэйна Уайтты әзілдеп «ақымақ» деп атады
NEW YORK, NEW YORK - NOVEMBER 02: (L-R) Jon Jones speaks to UFC president Dana White during the UFC 232 press conference inside Hulu Theater at Madison Square Garden on November 2, 2018 in New York, New York. (Photo by Jeff Bottari/Zuffa LLC/Zuffa LLC via Getty Images)
UFC ұйымының жартылай ауыр және ауыр салмақтағы бұрынғы чемпионы Джон Джонс ұйым президенті Дэйна Уайт туралы әзіл аралас пікір білдірді, деп хабарлайды Pin-UpSport.kz.
ALG Global YouTube арнасына берген сұхбатында 38 жастағы америкалықтан UFC басшысын бір сөзбен сипаттау сұралды. Сонда Джонс күлімсіреп: «Қазір оны ақымақ дер едім. Бірақ соған қарамастан, мен оны жақсы көремін. Ол – менің басшым әрі өмірімді түбегейлі өзгерткен адам. Сондықтан иә, Дэйна – ақымақ», – деді.
Джон Джонс 2008 жылдан 2024 жылға дейінгі кәсіби мансабында 30 жекпе-жек өткізді. Оның еншісінде 28 жеңіс, бір жеңіліс және нәтижесі есепке алынбаған бір айқас бар.
Америкалық файтер жеңістерінің 11-ін нокаутпен немесе техникалық нокаутпен, жетеуін ауырту не тұншықтыру әдісімен жеңіп алды. Тағы он рет төрешілердің шешімімен басым түсті. Оның жалғыз ресми жеңілісі дисквалификация салдарынан тіркелсе, 2017 жылғы допинг дауына байланысты бір жеңісі кейін күшін жойған болатын.
