Дастан Сәтбаев «Челси» сапындағы алғашқы голын соқты
Қазақстан құрамасының шабуылшысы Дастан Сәтбаев «Челсидің» негізгі командасы сапындағы алғашқы голын соғып, аустралиялық «Вестерн Сидней Уондерерске» қарсы жолдастық кездесуде мерген атанды, деп хабарлайды Pin-UpSport.kz.
Қазақстандық футболшы матчты негізгі құрамда бастап, жетінші минутта Райан Кавума-Маккуиннің нәтижелі пасынан кейін есеп ашты. Бұл гол Сәтбаевтың «Челсидің» негізгі командасындағы алғашқы дәл соққысы болды.
«Вестерн Сидней Уондерерске» қарсы кездесу лондондық клуб үшін Аустралия мен Азиядағы маусым алдындағы турненің алғашқы ойынына айналды. Сонымен қатар бұл Сәтбаевтың «Челси» сапындағы алғашқы ашық кездесуі болды.
«Челсидің» келесі қарсыласы «Тоттенхэм» болады. Одан кейін лондондық клуб Гонконгте «Ювентуспен», Джакартада «Миланмен» және Малайзияда «Джохор Дарул Такзиммен» жолдастық матчтар өткізеді.
