Неймар ӘЧ-2026-дан кейінгі алғашқы матчында дубль жасады
Бразилия құрамасының шабуылшысы Неймар ӘЧ-2026 турнирінен кейін «Сантос» сапындағы алғашқы матчында дубль авторы атанды, деп хабарлайды Pin-UpSport.kz.
Бразилия чемпионатының 20-туры аясындағы «Шапекоэнсеге» қарсы кездесу 2:2 есебімен аяқталды. Неймар 36-минутта есеп ашса, үзілістен кейін Марсиньо таразы басын теңестірді. Кейін «Сантос» қорғаушысы Жоау Ананьяс өз қақпасына автогол соғып, қонақтарды алға шығарды. Алайда 89-минутта Неймар пенальтиді дәл орындап, командасын жеңілістен құтқарды.
Бұл матч 34 жастағы шабуылшы үшін әлем чемпионатынан кейінгі алғашқы ойын болды. ӘЧ-2026 турнирінде Бразилия құрамасы 1/8 финалда Норвегиядан 1:2 есебімен жеңіліп, жарысты аяқтаған еді. Сол кездесуде бразилиялықтардың жалғыз голын Неймар соққан болатын.
Дегенмен дубль жасағанына қарамастан, матчтың соңы Неймар үшін сәтті болмады. Ол ойынның соңында сары қағаз алып, келесі турда «Сан-Паулуға» қарсы матчты дисквалификацияға байланысты өткізіп алады.
