Қазақстандық шабуылшы КПЛ клубтарынан бас тартып, Испанияда келісімшартқа қол қойды
Қазақстандық шабуылшы Данил Анкудинов мансабын Испанияда жалғастырады, деп хабарлайды Pin-UpSport.kz.
ASnews.kz мәліметінше, бұған дейін «Сеута» сапында өнер көрсеткен 22 жастағы футболшы Испанияның төртінші дивизионындағы клубпен келісімшартқа отырды. Әзірге жаңа команданың атауы жарияланған жоқ. Сонымен қатар шабуылшыға Қазақстан Премьер-лигасының бірнеше клубынан ұсыныс түскені белгілі болды. Алайда ол маусым барысында чемпионатты ауыстырмауды жөн көрген.
Дереккөздің хабарлауынша, Анкудинов жаңа командаға маусым ортасында ауысу бейімделу процесін қиындатуы мүмкін деп есептеген. Соған қарамастан, қазақстандық футболшы қыста КПЛ клубтарының ұсыныстарын қарастыруы мүмкін. Расталмаған ақпарат бойынша, оған «Жеңіс» пен «Каспий» қызығушылық танытқан.
Қарағандыда дүниеге келген Данил Анкудинов Еуропаның бірнеше чемпионатында өнер көрсеткен. Ол бұған дейін Молдованың «Шериф», Литваның «Джюгас» және Испанияның «Сеута» клубтарында ойнады. Өткен маусымда «Сеутаның» қосалқы құрамында 30 матч өткізіп, жеті гол соғып, үш нәтижелі пас берді.
