Дидье Дрогба «Челсиді» Дастан Сәтбаевқа мүмкіндік беруге шақырды
«Челсидің» аңызға айналған шабуылшысы Дидье Дрогба қазақстандық шабуылшы Дастан Сәтбаевқа Лондон клубында өзін көрсетуге мүмкіндік беру керек деп есептейді, деп хабарлайды Pin-UpSport.kz.
Бұрынғы футболшының айтуынша, 17 жастағы шабуылшы өзінің жоғары әлеуетін әлдеқашан дәлелдеп үлгерген және жеткілікті ойын тәжірибесін алса, негізгі құрамда орныға алады. Дрогба Сәтбаевтың ойынын жіті бақылағанын айтып, оның дамуы үшін «Челсиден» артық клуб жоқ екенін жеткізді.
«Егер менен сұрасаңыздар, ол «Челсиде» қалып, өз орны үшін күресуі керек. Оған мүмкіндік беріңіздер, ойын уақытын беріңіздер, сонда оның қандай деңгейге жете алатынын көресіздер. Менің ойымша, ол біздің қазіргі шабуылшылардың көбінен жан-жақты ойыншы», – деді Дрогба.
Еске салайық, Дастан Сәтбаев «Қайраттан» «Челсиге» 2,4 миллион еуроға ауысқан болатын. Алматы клубының сапында ол 58 матч өткізіп, 26 гол соғып, 10 нәтижелі пас берді.
