«Алтын допқа» басты үміткерлердің жаңартылған рейтингі жарияланды
Фото: Visionhaus via Getty Images
GIVEMESPORT беделді порталы 2026 жылғы 9 шілдедегі жағдай бойынша «Алтын допқа» басты үміткерлердің жаңартылған рейтингін жариялады, деп хабарлайды Pin-UpSport.kz. Әлем чемпионатының шешуші кезеңі маусымның ең беделді жеке марапаты үшін күрестегі негізгі факторлардың бірі саналады.
Рейтингтің көш басында қазіргі «Алтын доп» иегері, Франция құрамасы мен «ПСЖ» шабуылшысы Усман Дембеле қалды. Екінші орында оның ұлттық құрамадағы әріптесі және мадридтік «Реалдың» шабуылшысы Килиан Мбаппе орналасқан. Үздік үштікті Англия құрамасы мен «Баварияның» шабуылшысы Харри Кейн түйіндейді.
Төртінші орын Аргентина құрамасының капитаны Лионель Мессиге бұйырды. Ал алғашқы ондыққа Майкл Олисе, Эрлинг Холанд, Ламин Ямаль, Деклан Райс, Джуд Беллингем және Хвича Кварацхелия да енді. Ал Португалия құрамасының капитаны Криштиану Роналду үздік жиырмалықтың қатарына да кірмеді.
GIVEMESPORT сарапшыларының пікірінше, әлем чемпионатының қалған матчтары «Алтын доп» үшін таластағы жағдайды өзгертуі мүмкін. Дегенмен қазіргі таңда басты фаворит ретінде Усман Дембеле қарастырылып отыр.
