«Қайраттың» матчы Чемпиондар лигасы іріктеуінің көрермен рекордын орнатты
Фото: Getty Images
Алматылық «Қайрат» пен Черногорияның «Сутьеска» клубтары арасындағы кездесу Чемпиондар лигасының 2026/2027 жылғы маусымындағы алғашқы іріктеу кезеңінің бірінші матчтары арасындағы ең көп көрермен жиналған ойын болды, деп хабарлайды Pin-UpSport.kz. FMD мәліметінше, Алматыдағы Орталық стадионға 14 356 жанкүйер келген.
Бұл көрсеткіш 7–8 шілде күндері өткен алғашқы іріктеу кезеңіндегі барлық матчтар арасындағы ең жоғары нәтиже болды. Көрермен саны бойынша екінші орынға Босния және Герцеговинаның «Борац» клубы мен Болгарияның «Левски» командасы арасындағы матч жайғасты. Оны 10 102 адам тамашалады. Үшінші көрсеткіш Молдованың «Петрокубы» мен Албанияның «Эгнатиясы» арасындағы ойынға тиесілі болды. Бұл кездесуге 8 798 көрермен жиналды. Ал үздік бестікке «Сабах» – «ТНС» және «Кауно Жальгирис» – «Дрита» матчтары да енді.
Ал ең аз көрермен жиналған матч Сан-Мариноның «Тре Фиори» және Солтүстік Ирландияның «Ларн» клубтары арасында өтті. Бұл ойынды небәрі 672 адам тамашалады. Бейтарап алаңда өткен Беларусьтің «Витебск» пен Румынияның «Университатя» клубтары арасындағы кездесуге бар болғаны 20 жанкүйер келген.
«Қайрат» алғашқы ойында «Сутьесканы» 2:1 есебімен жеңді. Қарымта кездесу 15 шілдеде Черногорияда өтеді. Осы ойынның қорытындысы бойынша келесі іріктеу кезеңіне жолдама алған команда анықталады.
