Бибісара Асаубаева Norway Chess 2026 турнирінің көшін бастады
Фото: NurPhoto
Қазақстандық шахматшы Бибісара Асаубаева Norway Chess 2026 турниріндегі екінші жеңісіне жетіп, жарыс кестесінде жеке-дара көш бастады, деп хабарлайды Pin-UpSport.kz.
Екінші турда қазақстандық шахматшы қытайлық Чжу Цзиньэрмен кездесті. Негізгі партия тең аяқталып, жеңімпаз армагеддонда анықталды. Қосымша партияда қара тастармен ойнаған Асаубаева қарсыласынан басым түсті.
Екі тур қорытындысы бойынша Бибісара 4,5 ұпай жинап, бірінші орынға көтерілді. Екінші сатыда үш ұпаймен үндістандық Дивья Дешмух тұр. Ал Чжу Цзиньэр мен Анна Музычуктың еншісінде 2,5 ұпайдан бар.
Бірінші турда қазақстандық шахматшы үндістандық гроссмейстер Хампи Конеруды да қара тастармен жеңген болатын.
Келесі турда Асаубаева Дивья Дешмухпен кездеседі. Norway Chess 2026 турнирі Норвегияда 25 мамыр мен 6 маусым аралығында өтеді. Жарыстың жүлде қоры 182 мың долларды құрайды.
