Магомед Анкалаев UFC-дің Абу-Дабидегі турниріне қатысатынын растады
Жартылай ауыр салмақтағы UFC-дің бұрынғы чемпионы Магомед Анкалаев Абу-Дабиде өтетін UFC турниріне қатысатынын растады, деп хабарлайды Pin-UpSport.kz.
Турнир 25 шілде күні Біріккен Араб Әмірліктерінде өтеді. Бұған дейін ресейлік файтердің қарсыласы америкалық Халил Раунтри болуы мүмкін деген ақпарат тараған еді.
«Жақында Абу-Дабиде кездесеміз», — деп жазды Анкалаев әлеуметтік желідегі парақшасында.
33 жастағы Магомед Анкалаев кәсіби ММА мансабын 2014 жылы бастаған. 2018 жылдан бері UFC-де өнер көрсетіп келеді, ал 2025 жылы ұйымның жартылай ауыр салмақтағы чемпионы атанды.
UFC-дегі мансабында ресейлік спортшы 12 жеңіске жетіп, екі рет жеңіліп, бір жекпе-жекті тең нәтижемен аяқтаған.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
