Ұлан Қонысбаев төрт жарым жылдан кейін алаңға қайта шықты
Фото: ФК Тараз
Қазақстан құрамасының бұрынғы жартылай қорғаушысы Ұлан Қонысбаев бірнеше жылдан кейін алғаш рет ресми матчқа қатысты, деп хабарлайды Pin-UpSport.kz. Футболшы бірінші лигадағы «Тараз» бен «Арысем» арасындағы кездесуде алаңға шықты.
Жетінші тур ойыны «Тараздың» 2:1 есебіндегі жеңісімен аяқталды. Алаң иелері сапында Диас Лесбек пен Еркебұлан Тойбеков гол соқты. Матчтың 84-минутында бас бапкер 36 жастағы Қонысбаевты Жақып Қожамбердінің орнына ойынға қосты.
Бұл жартылай қорғаушы үшін 2021 жылдың қыркүйегінен бергі алғашқы ресми матч болды. Бұған дейін ол соңғы рет «Тараз» сапында ҚПЛ аясында «Астанаға» қарсы кездесуде алаңға шыққан еді.
Осылайша футболшы 1698 күн бойы — төрт жарым жылдан астам уақыт ресми матчтарға қатыспаған. 2022 жылы Қонысбаев мансабын аяқтағанын жариялаған болатын, алайда 2026 жылғы маусым алдында футболға қайта оралу туралы шешім қабылдады.
Жеті турдан кейін бірінші лигада «Тараз» 15 ұпаймен турнирлік кестеде үшінші орында тұр. Келесі аптада Ұлан Қонысбаев 37 жасқа толады.
