«Барыс» команда көшбасшыларының бірімен келісімшартты ұзартты
Америкалық қорғаушы Райли Уолш астаналық «Барыс» сапында өнер көрсетуді жалғастырады, деп хабарлайды Pin-UpSport.kz. ҚХЛ клубы хоккейшімен 2027 жылдың 31 мамырына дейін жаңа келісімшарт жасасты.
Михаил Зислис жүргізетін Telegram-арнаның мәліметінше, америкалық ойыншының жаңа келісім бойынша жалақысы 297,9 миллион теңгені құрайды.
Өткен ҚХЛ маусымында Райли Уолш «Барыстың» ең нәтижелі хоккейшілерінің бірі болды. Қорғаушы тұрақты чемпионаттағы 68 матчта 46 ұпай жинап, қорғаныс ойыншылары арасындағы үздік бомбардирлердің бестігіне енді.
Сонымен қатар америкалық хоккейші командада орташа мұз айдынында өткізген уақыты мен қақпаға бағытталған соққылар саны бойынша көш бастады.
Маусым қорытындысында «Барыс» ҚХЛ-дің Шығыс конференциясында оныншы орын алып, плей-офф кезеңіне шыға алмады.
