Александр Бублик Женевадағы турнирдің жартылай финалына шықты
Фото: Getty Images
Қазақстанның бірінші ракеткасы Александр Бублик Женевада өтіп жатқан ATP-250 турнирінің жартылай финалына жолдама алды, деп хабарлайды Pin-UpSport.kz. Ширек финалда қазақстандық теннисші франциялық Артур Риндеркнешті жеңді.
Әлемнің оныншы және 24-ракеткалары арасындағы матч үш сетке созылды. Бублик алғашқы партияда жеңілгенімен, кейін кездесудің бағытын өзгертіп, 5:7, 6:4, 6:2 есебімен жеңіске жетті.
Теннисшілер кортта 1 сағат 54 минут ойнады. Осы уақыт ішінде қазақстандық спортшы сегіз эйс жасап, үш қос қателік жіберді және алты брейк-пойнттың үшеуін сәтті пайдаланды. Сонымен қатар ол матч барысында өз геймін бір-ақ рет жіберді.
Турнирдің жартылай финалында Александр Бублик америкалық Лёрнер Тьенмен кездеседі. Матч 22 мамыр күні өтіп, Қазақстан уақытымен 18:30-дан ерте басталмайды.
