Азамат Бақытов UFC BJJ турниріндегі алғашқы жекпе-жегін өткізді
Қазақстандық файтер Азамат Бақытов UFC BJJ лигасындағы алғашқы белдесуін өткізді, деп хабарлайды Pin-UpSport.kz. UFC BJJ 8 турнирі Лас-Вегаста ұйымдастырылды.
Дебюттік белдесуде қазақстандық спортшы австралиялық Томас Дэвидпен кездесті. Орта салмақтағы айқас тең нәтижемен аяқталды.
Бұл жекпе-жек екі спортшы үшін де UFC ұйымының сабмишен-грэпплингке арналған жаңа жобасындағы алғашқы кездесу болды.
UFC BJJ лигасы 2025 жылдың жазында UFC ұйымының еншілес жобасы ретінде құрылған. Азамат Бақытов осы ұйыммен келісімшартқа отырған Қазақстан мен ТМД елдерінен шыққан алғашқы спортшы атанды.
Сонымен қатар Бақытов аралас жекпе-жекте де өнер көрсетіп келеді. Оның MMA-дегі рекорды — 9 жеңіс, жеңіліс жоқ. Бұдан бөлек, қазақстандық файтер Nomad Wrestling турнирінің екі дүркін жеңімпазы болып табылады.
