«Манчестер Сити» Винисиус Жуниорға қызығушылық танытып отыр
Фото: NurPhoto
Англияның «Манчестер Сити» клубы мадридтік «Реалдың» шабуылшысы Винисиус Жуниорды сатып алуға ниетті, деп хабарлайды Pin-UpSport.kz. Бұл туралы TEAMtalk басылымы мәлімдеді.
Дереккөздің ақпараты бойынша, ағылшын клубының қызығушылығы футболшының жаңа келісімшартына байланысты жағдаймен байланысты. Винисиус пен «Реал» арасындағы келіссөздер оңай жүріп жатқан жоқ, сондықтан жазғы трансфер жайлы әңгімелер күшейе түсті.
Хабарламада мадридтік клуб басшылығы былтыр футболшыға жаңа келісімге қол қоймаса, сатылуы мүмкін екенін ескерткені айтылған. Соған қарамастан, негізгі сценарий ретінде Винисиустың «Реалда» қалуы қарастырылып отыр.
Бразилиялық шабуылшы «Реал» сапында 2018 жылдан бері ойнап келеді. Осы уақыт ішінде ол 372 матч өткізіп, 127 гол соғып, 100 нәтижелі пас берген. Футболшының қазіргі келісімшарты 2027 жылдың жазына дейін жарамды. Transfermarkt порталы оның нарықтық құнын 150 миллион еуро деп бағалайды.
