Бибісара Асаубаева ФИДЕ рейтингінде жетінші орынға көтерілді
Фото: ФШК
Қазақстандық шахматшы Бибісара Асаубаева ФИДЕ-нің жаңартылған рейтингінде жоғарылады, деп хабарлайды Pin-UpSport.kz. Кипрдегі турнирден кейін ол жетінші орынға көтерілді.
Бибісара 11,2 рейтингтік ұпай қосып, жалпы көрсеткішін 2527,2-ге жеткізді. Ол әлемнің ең мықты шахматшыларының ондығында өз орнын сақтап отыр.
Алтыншы орында тұрған үнді гроссмейстері Конеру Хампиден қазақстандық спортшыны небәрі жеті ұпай бөліп тұр. Бұл алдағы турнирлерде нәтижесін жақсартуға мүмкіндік береді.
Рейтингтің көш басында Қытай өкілдері — Хоу Ифань, Лэй Тинцзе және Цзюй Вэньцзюнь тұр. Осылайша, Бибісара үздіктер қатарында қалып, жоғары орындарға ұмтылуын жалғастырып келеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
