ФИФА әлем чемпионатын 64 командаға дейін кеңейтуді қарастыруда
Фото: FIFA
ФИФА 2030 жылғы әлем чемпионатына қатысатын командалар санын 64-ке дейін арттыру мүмкіндігін талқылап жатыр, деп хабарлайды Pin-UpSport.kz. Ұйым ішінде турнир форматын өзгерту мәселесі қарастырылуда.
Бұл бастамаға қатысты пікірлер әртүрлі. Кейбіреулер ойыншылардың жүктемесі мен күнтізбенің тығыздығына алаңдаса, енді бірі бұл ұсынысты қолдай бастады. Бұған дейін осындай идеяны КОНМЕБОЛ ұсынып, оны әлем чемпионатының 100 жылдығымен байланыстырған еді. Сол кезде ФИФА президенті Джанни Инфантино нақты шешім қабылдамай, мәселені ашық қалдырған болатын.
Қазіргі таңда 2026 жылғы әлем чемпионаты 48 командамен өтеді, онда Еуропаға 16 жолдама берілген. Егер қатысушылар саны 64-ке дейін артса, УЕФА-ға бөлінетін квота шамамен 20–22 орынға дейін көбеюі мүмкін. Бұл іріктеу кезеңдерінің құрылымына әсер етеді.
Мұндай жағдайда әлем чемпионатына жолдама алу бәсекесі жеңілдеуі ықтимал. Орта деңгейдегі құрамалар үшін финалдық кезеңге шығу мүмкіндігі артады. Осындай командалардың қатарында Қазақстан құрамасы да қарастырылады.
