«Ақтөбе» бас бапкер Костовпен қоштасты
Фото: ФК Актобе
Болгариялық маман Николай Костов «Ақтөбе» клубының бас бапкері қызметінен кетті, деп хабарлайды Pin-UpSport.kz. Клуб басшылығы жаттықтырушымен келісімшартты бұзу туралы шешім қабылдады.
Дереккөз мәліметінше, кеше клуб басшылығы мен бапкер арасында келіссөздер өтіп, соның нәтижесінде тараптар ынтымақтастықты тоқтатуға келісті. Костовтың келісімшарты жыл соңына дейін жарамды болғанымен, ол мерзімінен бұрын тоқтатылды.
Маманға өтемақы төленіп, ол екі көмекшісімен бірге жақын арада Қазақстаннан кетеді. Сонымен қатар, «Ақтөбе» басшылығы жаңа бас бапкерді іздеу жұмыстарын бастап кетті, клубтың қысқа тізімінде екі үміткер бар.
Үш тур қорытындысы бойынша ҚПЛ-да «Ақтөбе» үш ұпай жинап, турнирлік кестеде оныншы орында тұр. Команданың осындай нәтижелері кадрлық өзгерістерге себеп болды.
