Мейіржан Шермаханбет Тиранадағы Muhamet Malo турнирінде алтын медаль иеленді
Қазақстандық грек-рим күресінің өкілі Мейіржан Шермаханбет Тиранада өткен Muhamet Malo рейтингтік турнирінің жеңімпазы атанды, деп хабарлайды Pin-UpSport.kz. Албания астанасында өткен жарыста ол 67 килограмға дейінгі салмақ дәрежесінде алтын медаль жеңіп алды.
Финалдық белдесуде Шермаханбет грузиялық Диего Чхиквадземен кездесті. Кездесу 5:1 есебімен қазақстандық балуанның пайдасына аяқталды. Осылайша, Мейржан турнир чемпионы атанса, қарсыласы күміс жүлдегер болды.
Финалға дейінгі жолда Шермаханбет бірнеше сенімді жеңіске қол жеткізді. Ол эквадорлық Андрес Роберто Монтаньо Арройоны 9:0 есебімен айқын басымдықпен ұтты. Кейін әзербайжандық Махаммад Шукурзадені 4:0 есебімен жеңді. Жартылай финалда грузиялық Джони Хецурианиден 3:1 есебімен басым түсті.
Muhamet Malo турнирі халықаралық күнтізбедегі маңызды рейтингтік жарыстардың бірі саналады. Тиранадағы жеңіс Мейржан Шермаханбеттің әлемдік рейтингтегі жағдайын жақсартып, Қазақстан құрамасының қоржынына тағы бір алтын медаль қосты.
