«Интер Майами» МЛС чемпионы атанды
Фото: Интер Майами
«Интер Майами» АҚШ-тағы МЛС лигасының плей-офф финалында жеңіске жетіп, тарихында алғаш рет чемпион атанды, деп хабарлайды Pin-UpSport.kz. Форт-Лодердейлде өткен шешуші ойында команда «Ванкуверді» 3:1 есебімен тізе бүктірді.
Матч жылдам голмен басталды: 8-минутта Эдиер Окампо өз қақпасына гол соғып алды. Екінші таймда «Ванкувер» есепті теңестірді — 60-минутта Әли Ахмед мүмкіндігін сәтті пайдаланды. Осы кезеңге дейін ойын шиеленісті өрбіді, алайда алаң иелері біртіндеп ойын тізгінін өз қолына алды.
Шешуші сәттер матч соңында тіркелді. 77-минутта Родриго Де Пауль «Интер Майамиді» алға шығарса, қосымша уақытта Тадео Альенде Лионель Месси берген пасты голға айналдырып, есепті 3:1-ге жеткізді. Месси тағы да маңызды нәтижелі әрекетімен көзге түсіп, команданың табысындағы негізгі фигуралардың бірі болды.
Бұл жеңіс Майами клубына тарихындағы алғашқы МЛС чемпионатын сыйлады. Енді команда жаңа маусымға чемпион мәртебесімен қадам басады және лигадағы ең өршіл жобалардың бірі ретінде өз орнын нығайта түсті.
Айбар Рысдаулет
Қазақстандық теннисші Үндістандағы екі ITF жасөспірімдер турнирінде қатарынан топ жарды
«Краснодар» Қазақстан құрамасының жартылай қорғаушысын қатарына қосуды қарастыруда