Джек Делла Маддалена Шавкат Рахмоновпен жекпе-жек өткізгісі келеді
Шавкат Рахмонов
UFC жартылай орта салмақ дәрежесіндегі чемпионы Джек Делла Маддалена алдағы қарсыласы Ислам Махачевпен айқастан кейін қазақстандық файтер Шавкат Рахмоновпен кездесуді қалайды, деп хабарлайды Pin-UpSport.kz.
«Әрбір жекпе-жек өз сабағын береді. Иә, Исламмен болатын кездесу мені Шавкатқа жақсы дайындайды. Әрине, олар мүлде бөлек спортшылар — Рахмонов бойшаң әрі күштірек. Мен оны UFC-де алғаш көрген сәттен бастап назар аудардым және оның бұл жерде үстемдік орнататынын білдім. Біз бәрібір кездесеміз деп сенемін. Оны жеңуге қабілетім жетеді деп ойлаймын. Бірақ алдымен — Ислам», — деді Маддалена Исраэль Адесаньяның подкастында.
Махачев пен Делла Маддаленаның жекпе-жегі 16 қарашада АҚШ-тың Нью-Йорк қаласында өтетін UFC 322 турнирінің басты оқиғасы болмақ. Махачев соңғы рет 2025 жылдың қаңтарында UFC 311-де Ренато Мойканоны тұншықтыру әдісімен жеңген. Оның рекорды — 27 жеңіс және 1 жеңіліс.
Ал Маддалена мамыр айында UFC 315 турнирінде Белал Мухаммедті ұпай санымен ұтқан болатын. Қазіргі таңда оның көрсеткіші — 18 жеңіс пен 2 жеңіліс. Чемпион болашақта дивизионның үшінші нөмірі саналатын Шавкат Рахмоновпен біріктіру жекпе-жегін өткізуді көздеп отыр.
Айбар Рысдаулет
Алматыда қазақстандық жұлдыздар қатысатын кәсіпқой бокс кеші өтеді
Ермахан Орынтаев АҚШ-тағы LFA лигасында дебют жасайды