Даниил Медведев: «Алматыдағы турнирге қатысқаныма қуаныштымын»
Даниил Медведев. Фото: Андрей Ударив
Әлемнің бұрынғы бірінші ракеткасы Даниил Медведев Шанхай турнирінен кейін Алматыға келіп, ATP 250 Almaty Open жарысына қатысады, деп хабарлайды Prosports.kz.
Баспасөз-конференция барысында Медведев Алматыдағы турнирдің жоғары деңгейде ұйымдастырылғанын атап өтті. Оның айтуынша, бұл – маусым соңына дейін қатысатын соңғы үш турнирдің бірі.
«Шанхайдан кейін әрдайым бейімделу қиын, өйткені ол жақта ыстық ауа райы, ал мұнда жабық хардта ойнау керек. Денеге біраз уақыт қажет. Дегенмен, мен маусымның соңындағы турнирлердің бәрінде ойнауға шешім қабылдадым. Алматыға бейімделу жақсы өтіп жатыр. Ал ертеңгі алғашқы матчта қалай ойнайтынымызды көреміз. Жабық хардтағы алғашқы ойын әрдайым оңай болмайды», — деді теннисші.
Қазақстанға жиі келетінін айтқан Медведев Алматы турнирін үйіне ең жақын жарыстардың бірі деп бағалады:
«Маған Қазақстан ұнайды. Мұнда 6–7 рет болдым. Көбіне Астанаға келетінмін, бірақ Алматы жайлы да жақсы пікір естігем. Қалаға әлі толық танысып үлгермедім, бірақ ұйымдастырушылар тамаша жұмыс атқарған. Болашақта бұл турнирге тағы да қатысуым мүмкін», — деді ол.
Даниил Медведев турнирге алдын ала келісім бойынша қатысып отыр және жақсы нәтиже көрсетіп, рейтингтік ұпай жинауды мақсат тұтады. Ол жарысты 16 қазанда австралиялық Адам Уолтонға қарсы матчпен бастайды.
Айбар Рысдаулет
Александр Шевченко: «Өз алаңымда жеңіске жетпеу мүмкін емес»
Теміртас Жүсіпов ел чемпионатын жеңіспен бастады