Зидан футбол тарихындағы ең үздік клубты атады
Фото: France 24
«Реалдың» бұрынғы бас бапкері және Франция құрамасының әлем чемпионы Зинедин Зидан өз пікірінше футбол тарихындағы ең үздік команданы атады, деп хабарлайды Pin-UpSport.kz.
Атақты француздың айтуынша, бұл атақ Арриго Сакки басқарған «Миланға» лайық. «Ван Бастен, Рейкард, Гуллит, Барези және Мальдини ойнаған “Милан” – нағыз ғажайып команда еді. Олар көптеген матчта жеңіске жетіп, ерекше әсер қалдырды. Саккидің ұжымы шынымен де керемет болатын», — деді Зидан Sempre Milan-ға берген сұхбатында.
Арриго Сакки «Миланды» 1987–1991 және 1996/1997 жылдары жаттықтырды. Оның басшылығымен клуб Италия чемпионы әрі Суперкубок иегері атанып, екі рет Еуропа чемпиондары кубогын, УЕФА Суперкубогы мен Интерконтинентал кубогын жеңіп алды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
