Ғалымжан Кенжебек мансабын Еуропада жалғастыруы мүмкін
Галымжан Кенжебек. Фото: КФФ
Қазақстан құрамасы мен семейлік «Елімай» командасының жартылай қорғаушысы Ғалымжан Кенжебек мансабын бәсекелестігі жоғары елдердің бірінде жалғастыруды көздеп отыр, деп хабарлайды Pin-UpSport.kz.
Ақпаратқа сәйкес, 22 жастағы футболшыға Шотландия, Словакия және Ресей клубтары қызығушылық танытуда. Кенжебектің өзі Еуропада ойнауға ниетті, бірақ нақты шешім маусым соңында қабылданбақ.
Бұған дейін БАҚ-та оның «Астанаға» ауысуы мүмкін екені жазылған, алайда астаналық клуб ресми ұсыныс жасаған жоқ. Дегенмен футболшы бұл нұсқаны жоққа шығармайды, себебі оның отбасы елордада тұрады.
Еске салайық, Ғалымжан Кенжебек 2026 жылғы әлем чемпионатының іріктеу ойынында Лихтенштейн қақпасына екі гол соғып, бір нәтижелі пас берген еді. Биылғы маусымда ол КПЛ-де бес гол мен екі ассист авторы атанды.
