Александр Бублик Шанхай Masters турнирінен ерте шығып қалды
Фото: Getty Images
Әлемнің 16-ракеткасы Александр Бублик Шанхайдағы Masters жарысында келесі кезеңге өте алмады, деп хабарлайды Pin-UpSport.kz.
Қазақстандық теннисші алғашқы сетте Монако спортшысы Валантен Вашероны 6:3 есебімен ұтқанымен, кейінгі екі партияда 3:6, 4:6 нәтижесімен жеңіліп қалды. Қарсыластар кортта 1 сағат 51 минут өткізді.
Келесі кезеңде Вашеро чех теннисшісі Томаш Махачпен кездеседі. Ал Бублик үшін бұл қатарынан екінші ерте жеңіліс болды: қыркүйек соңында ол Бейжіңдегі ATP-500 турнирінде француз Адриан Маннаринодан ұтылған еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
