Ксения Балабаева — жасөспірімдер арасындағы рапидтен әлем чемпионы
Қазақстандық шахматшы Ксения Балабаева 20 жасқа дейінгі жастар арасындағы рапид бойынша әлем чемпионатында топ жарды, деп хабарлайды Pin-UpSport.kz. Дүниежүзілік дода Перудің астанасы Лимада өтуде.
19 жастағы алматылық тоғыз турдың жетеуінде ұпай жинап, жалпы есепте көш бастады. Соңғы күні ол өзбекстандық Умида Омонованы жеңіп, кейін Анна Журова және Афруза Хамдамовамен тең ойнады. Осы нәтижелердің арқасында Ксения чемпиондық атақты иеленді.
Бұл жеңіс Қазақстан шахмат тарихы үшін ерекше. Балабаева — ересектер құрамасының мүшесі. Өткен жылы дәл осы команда Будапештте өткен шахмат Олимпиадасында алтын алған болатын. Лимада елімізді Амина Қайырбекова (7-орын, 6 ұпай) мен Лия Құрманғалиева (12-орын, 5 ұпай) да қорғады.
Ал ерлер арасында 16 жастағы өзбекстандық Мұхаммадзохид Суяров 7½ ұпай жинап, әлем чемпионы атанды. 27–28 қыркүйекте Лимада блиц бойынша әлем чемпионаты өтеді.
