Қазақстандық мәнерлеп сырғанаушылар Олимпиадаға іріктеуді бастады
Фото: НОК РК
19 қыркүйекте Қытайдың Бейжің қаласында мәнерлеп сырғанаудан Олимпиадаға іріктеу турнирі басталды, деп хабарлайды Pin-UpSport.kz.
Алғашқы болып Қазақстаннан мұз айдынына Бойсангур Датиев пен Гаухар Наурызова шықты. Олар мұздағы би бағдарламасында 50,64 ұпай жинап, аралық нәтиже бойынша 16-орынға тұрақтады. Көшбасшылықты литвалық жұп Эллисон Рид пен Саулюс Амбрулевичюс иеленіп тұр (80,92).
Еркін би 21 қыркүйекте өтеді. Сонымен қатар, ерлер арасындағы жекелей сында ел намысын Диас Жіренбаев қорғайды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
