«Қайраттың» жас қақпашысы Чемпиондар лигасы тарихына енді
Фото: Getty Images
Алматылық «Қайраттың» 18 жастағы қақпашысы Шерхан Қалмұрза Чемпиондар лигасының жалпы кезеңіндегі алғашқы ойында ерекше нәтижеге қол жеткізді, деп хабарлайды Pin-UpSport.kz.
Жас қақпашы 24-минутта Юльманн тепкен пенальтиді қайтарып, турнир тарихында 11 метрлікті сәтті қайтарған ең жас қақпашылардың бірі атанды. Қалмұрза бұл жетістікке 18 жас 95 күнінде жетті. Одан жасырақ рекордты 2017 жылы «Бенфика» сапында ойнаған Миле Свилар (18 жас 65 күн) орнатқан. Қазір ол «Рома» клубының қақпасын күзетеді.
Лиссабонда өткен матч 1:4 есебімен «Спортингтің» пайдасына аяқталды. Айта кетейік, негізгі қақпашылар қатарынан тыс қалды: Александр Заруцкий «Селтикке» қарсы плей-оффта жарақат алса, Темірлан Анарбеков 14 қыркүйекте «Ақтөбемен» өткен ойында жақ сүйегін сындырып алған болатын.
