Бибісара Асаубаева «FIDE Үлкен Швейцаркасында» қола медаль иеленді
Фото: ФШК
Қазақстандық гроссмейстер Бибісара Асаубаева Самарқандта өткен беделді «FIDE Үлкен Швейцаркасы» турнирінде үшінші орын алып, тарихи жетістікке жетті, деп хабарлайды Pin-UpSport.kz.
21 жастағы шахматшы соңғы турда украиналық Анна Музычукпен тең ойнап, жалпы есепте 7½ ұпай жинады. Осы нәтижесімен ол үздік үштіктен орын алып, 25 мың доллар көлемінде жүлде иеленді. Бұл – қазақстандық спортшы қыздардың арасында «Үлкен Швейцаркадан» еншілеген тұңғыш жүлде.
Турнирдің жеңімпазы – үндістандық Вайшали Рамешбабу (8 ұпай), екінші орында – ресейлік Катерина Лагно (8 ұпай). Бибісараның қола жүлдесі оған 2026 жылғы үміткерлер турниріне жолдаманы рейтинг арқылы иелену мүмкіндігін арттырды.
Сонымен қатар, қазақстандық шахматшылардың өзге өкілдері де жақсы нәтиже көрсетті: Меруерт Камалиденова 19-орын алып, 3 мың доллар ұтып алды, 14 жастағы Елназ Қалиахмет әйелдер гроссмейстері нормасын орындады, ал Ксения Балабаева турнирді жеңіспен аяқтады.
