Астана 2027 жылы УЕФА-ның сайлау Конгресін қабылдайды
Фото: UEFA.com
2027 жылдың 22 сәуірінде Астанада Еуропалық футбол қауымдастықтары одағының (УЕФА) жоғары басқарушы әрі заң шығарушы органы – 51-конгресі өтеді, деп хабарлайды Pin-UpSport.kz.
Конгреске УЕФА құрамындағы 55 ұлттық қауымдастықтың өкілдері, ұйым президенті, Атқару комитетінің мүшелері, сондай-ақ ФИФА, еуропалық лигалар, клубтық бірлестіктер мен халықаралық спорт ұйымдарының делегаттары қатысады. Жиынның басты оқиғаларының бірі – УЕФА президенті мен Атқару комитеті мүшелерінің сайлауы болмақ.
Мұндай ауқымды іс-шараны өткізу құқығының Қазақстанға берілуі УЕФА-ның елге деген жоғары сенімін және халықаралық деңгейдегі спорттық жарыстарды ұйымдастырудағы мүмкіндіктерін мойындағанын көрсетеді. Конгресті өткізуге қатысты барлық ұйымдастыру шығындарын УЕФА өз мойнына алады.
Конгресс Қазақстандағы футболды дамыту бағытындағы жүйелі жұмыстың жалғасы болмақ. Елде футбол инфрақұрылымы жаңартылып, балалар мен жасөспірімдер футболы дамып келеді, сондай-ақ кәсіби клубтарды коммерцияландыру кезең-кезеңімен жүзеге асырылуда. Бірінші кезеңде 11 клуб жаңа басқару үлгісіне өтіп, 80 миллиард теңгеден астам жеке инвестиция тартты. Екінші кезеңде тағы сегіз клубты осы жүйеге көшіру жоспарланған. Сонымен қатар жуырда «Пари Сен-Жерменнің» Қазақстанда өз академиясын ашатыны белгілі болды.
