Зинедин Зидан «Реалға» оралу үшін өз шарттарын ұсынды
Фото: Quality Sport Images
Франциялық маман Зинедин Зидан мадридтік «Реалдың» бас бапкері қызметіне қайта оралу мүмкіндігін қарастыруға дайын, алайда клуб басшылығына бірқатар нақты талап қойған, деп хабарлайды Pin-UpSport.kz. Ақпарат көздеріне сүйенсек, бұл келісім автоматты түрде жүзеге асады дегенді білдірмейді және тараптар арасында алдын ала белгілі бір шарттар қабылдануы тиіс.
Зиданның негізгі талаптарының бірі оның ықтимал жұмыс форматына байланысты. Француз маманы «Реалды» тек уақытша жоба ретінде басқаруға дайын екенін жеткізген. Ол ұзақ мерзімді келісімшартқа байланғысы келмейді, себебі 2026 жылғы әлем чемпионатынан кейін Франция құрамасын жаттықтыруды мансабындағы келесі қадам ретінде қарастырып отыр. Сонымен қатар Зидан команда ішінде толық өкілеттікке ие болуды талап етеді. Оның пікірінше, киім ауыстыратын бөлмедегі тәртіп, ішкі иерархия және негізгі шешімдер бапкердің өз қолында болуы тиіс, ал бедел мен есім кез келген футболшы үшін шешуші фактор болмауы керек.
Екінші талап ең көп талқылауға себеп болды. Ақпараттарға сәйкес, Зидан ағылшын жартылай қорғаушысы Джуд Беллингемді өз жобасының бір бөлігі ретінде көрмейді. Мамандардың пайымдауынша, ойыншы төңірегіндегі медиялық қысым мен оның жақын ортасының ықпалы команданың ішкі тепе-теңдігіне кері әсер етуі мүмкін. Сонымен қатар Зидан Беллингемнің болашақ тактикалық модельдегі рөліне күмәнмен қарайды, бұл ойыншының клубтағы келешегін белгісіз етеді.
Осылайша, Зинедин Зиданның «Реалға» қайта оралуы клубтың оның шарттарын қабылдауына тікелей байланысты. Француз маманы 2021 жылдан бері бапкерлік қызмет атқарған жоқ. Бұған дейін ол «Реалмен» бірге бірнеше мәрте Испания чемпионатын, сондай-ақ үш рет Чемпиондар лигасын жеңіп алған. Қазіргі таңда Зидан үшін басты мақсаттардың бірі – халықаралық деңгейде, атап айтқанда Франция құрамасымен жұмыс істеу болып қала бермек.
Айбар Рысдаулет
«Ақтөбе» Халкпен келіссөздерді уақытша тоқтатты
Нани «Ақтөбеде» айына 70 мың доллар табыс табуы мүмкін