Умар Нурмагомедов октагонға қазан айында оралады
Умар Нурмагомедов. Фото: Zuffa LLC
Ресейлік UFC файтері Умар Нурмагомедов келесі жекпе-жегін 2025 жылдың қазан айында өткізеді деп күтіліп отыр. Бұл туралы спортшының менеджері Ризван Магомедов мәлімдеді.
Менеджердің айтуынша, Умардың командасы жылдың соңына қарай Абу-Дабиде өтетін UFC турниріне қатысуды жоспарлап отыр. Оның октагонға кеш оралуына қаңтарда Мераб Двалишвилимен өткен айқаста алған қол жарақатының ұзақ жазылуы себеп болған.
Бұған дейін Умарды Петр Ян жекпе-жекке шақырған еді. Умар болса, қазан айында кездесуді ұсынған. Бірақ Ян жазда жекпе-жек өткізгісі келетінін айтқан, сол себепті бұл айқасты ұйымдастыру қиындай түскен. Магомедовтің сөзінше, Умардың қайтып оралуы күзге қалуы мүмкін.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
