УЕФА талаптары: Еуропа чемпионатын өткізуге Алматы дайын
Фото: UEFA via Getty Images
Қазақстан футбол федерациясының халықаралық байланыстар бөлімінің басшысы Аян Әлжанов УЕФА тарапынан Еуропа чемпионатын (U-17 және U-19) өткізуге қойылатын талаптарды айтты. Оның сөзінше, екі турнирге де бірдей шарттар қойылған: сегіз құрама қатысады, олардың бірі — қожайын ел.
Маңызды талаптардың бірі — төрт стадион болуы тиіс және барлық командалар бір қонақүйде тұруы керек. Қонақүйден кез келген стадионға дейінгі жол уақыты 90 минуттан аспауы қажет. Демек, турнир бір қалада өтуі тиіс. Қазіргі таңда бұл талаптардың бәріне Алматы қаласы толық сәйкес келеді.
Айта кетейік, бұған дейін ҚФФ Еуропа чемпионатын Қазақстанда (U-19) өткізуге ресми өтініш бергенін хабарлаған болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
УЕФА «Кайраттың» Чемпиондар лигасындағы жолын ерекше атап өттіКелесі мақала:
«Манчестер Ситидің» бас бапкері Гвардиола Хусановтың жағдайын түсіндірді