UFC Бекзаттың нокаутын ерекше бағалады
Бекзат Алмахан. Фото: Zuffa LLC
Монреальде өткен UFC 315 турнирінде Бекзат Алмахан канадалық Брэд Катонаны бірінші раундта нокаутқа түсіріп, көзге түсті. Осы жарқын жеңісінен кейін UFC-дің ресми Instagram парақшасы оны бірден атап өтті.
«Тұран жауынгері жекпе-жекті тез аяқтады! Бекзат Алмахан UFC 315 алғашқы кездесуінде бірінші раундта жеңіске жетті!» деп жазды ұйым. Бұл жазба Бекзаттың жеңісінің әсерлі болғанын дәлелдейді.
Айта кетейік, бұл – Алмаханның UFC-дегі екінші жекпе-жегі. Ол лигада алғаш рет өткен жылы наурызда өнер көрсетіп, Умар Нурмагомедовке төрешілер шешімімен есе жіберген болатын. Сол кездесуде Бекзат қарсыласын нокдаунға түсіргенімен, жеңіс ұпаймен ресейлік спортшыға берілді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Бекзат Алмахан UFC-де жылдам нокаутпен жеңіске жеттіКелесі мақала:
ФИФА Роналдуға клубтық чемпионатқа қатысуға жол ашқысы келеді