Тікелей жолдамадан қағылған футзалдан Қазақстан құрамасы ФИФА рейтингінде төмендеді
Фото: FIFA via Getty Images
Халықаралық футбол федерациясы (FIFA) футзалдан ұлттық құрамалар арасындағы жаңартылған рейтингті жариялады. Қазақстан құрамасы екі саты төмен түсіп, қазір әлем бойынша жетінші орынға жайғасты. Көшбасшылықты Бразилия сақтап қалса, алғашқы үштікте одан кейін Португалия мен Испания тұр. Үздік бестікке Иран мен Аргентина да енді. Әсіресе Иран мен Марокко құрамалары бір сатыға жоғарылап, алға жылжыған.
Наурыз айында бас бапкер Кака баптайтын Қазақстан құрамасы Еуро-2026 іріктеу кезеңінде Арменияға жол беріп, турнирдің финалдық кезеңіне тікелей шығу мүмкіндігінен айырылды.
Қазіргі таңда бес турдан кейін Армения 16 ұпаймен топ бастап тұр және Еуро жолдамасын алдын ала қамтамасыз етті. Қазақстан 10 ұпаймен екінші орында келеді. Енді отандастарымыз плей-офф кезеңі арқылы жолдама алуға үміт артады.
Плей-оффқа қатысатын құрамалар сәуірде өтетін алтыншы турдан кейін анықталады. Сондықтан Қазақстан құрамасын алда жауапты шешуші кездесу күтіп тұр.
Айбар Рысдаулет
Ресей құрамасы мен клубтары Еуропа турнирлеріне қашан оралады? Чеферин нақты айтты
Жәнібек пен Төрехан таразыдан сүрінбей өтті – Астанадағы үлкен айқасқа бәрі дайын