Саудиялық клубтар «Барселона» жұлдыздарына қызығушылық танытып отыр
Рафинья. Фото: Getty Images
«Әл-Наср», «Әл-Хиляль» және «Әл-Иттихад» клубтарының өкілдері «Барселона» басшылығымен кездесіп, каталондық команданың төрт ойыншысын трансферлеу мүмкіндігін талқылаған.
«Әл-Хиляль» бразилиялық жартылай қорғаушы Рафиньяға ерекше қызығушылық білдіруде. Қазіргі таңда ол «Барсамен» жаңа келісім бойынша келіссөз жүргізіп жатыр, алайда жалақы мен келісімшарт мерзімі бойынша ортақ шешімге келе алмай отыр.
Ал «Әл-Наср» Рональд Араухо мен Жюль Кунде секілді қорғаушыларды қарастыруда. Саудиялық клуб бұл екі ойыншыны қорғанысты күшейтетін негізгі нұсқа ретінде көріп отыр.
Сондай-ақ, «Әл-Иттихад» Френки де Йонгтың жағдайын жіті бақылауда. Бұған дейін нидерландтық футболшыны қатарға қосуға тырысқан клуб енді оның «Барселонамен» келісімшартты ұзартуы мүмкін екенін ескеріп отыр.
