Сатпаев «Челсимен» кездесуде алаңға шыға алады
Фото: Getty Images
«Қайраттың» 17 жастағы шабуылшысы Дастан Сатпаевтың Лига чемпионатындағы «Челсиге» қарсы ойынына қатысу мүмкіндігі жанкүйерлер арасында қызу талқылануда, деп хабарлайды Pin-UpSport.kz.
Алматылық клуб плей-офф кезеңінде шотландиялық «Селтикті» (0:0, пенальти – 3:2) жеңіп, Лига чемпионатының негізгі кезеңіне жолдама алды. Сатпаев екінші кездесуге ереже бұзғаны үшін қатыса алмады, алайда алдыңғы раундтарда командаға айтарлықтай үлес қосып, тарихи жетістікке себепкер болды.
Жаңа формат ережесіне сәйкес, «Қайраттың» «Челсиге» қарсы ойнау ықтималдығы – 25 пайыз. Қаңтар айында ағылшын клубымен алдын ала келісімшартқа отырған Сатпаевқа болашақ командасына қарсы ойнауға рұқсат берілген. The Sun дерегінше, бұл жағдай бұған дейінгі Эстеван Виллианның мысалына ұқсайды: ол «Палмейрастың» сапында жүріп, клубтық әлем чемпионатында «Челсиге» қарсы алаңға шыққан.
Биылғы маусымда Сатпаев барлық турнирде 30 ойын өткізіп, 12 гол соқты және 8 нәтижелі пас берді. Transfermarkt дерегіне сәйкес, оның трансферлік құны 1,8 миллион еуроға бағаланған.
