Самородовтың голы «Ахматқа» ЦСКА-ны жеңуге көмектесті
Максим Самородов. Фото: samorodov_10_
Грозныйдың «Ахмат» клубы РПЛ-дің 19-туры аясында мәскеулік ЦСКА-ны 1:0 есебімен жеңді, деп хабарлайды Pin-UpSport.kz. Кездесудегі жалғыз голды Қазақстан құрамасының вингері Максим Самородов ойынның алғашқы минуттарында соқты.
Есеп матчтың төртінші минутында ашылды. Стандартты жағдайдан кейін допқа бірінші болып жеткен Самородов қақпаға соққы бағыттады. Доп рикошеттен кейін бағытын өзгертіп, армейліктердің капитаны Игорь Акинфеев қорғаған қақпаның жақын бұрышына енді. Ерте соғылған гол ойын барысына айтарлықтай әсер етті.
Одан кейін екі команда да қауіпті сәттер ұйымдастырғанымен, есеп өзгеріссіз қалды. «Ахмат» алға шыққан соң қорғаныста тәртіпті ойнап, нәтижені сақтауға басымдық берді. ЦСКА ойын соңында қысымды күшейтуге тырысқанымен, шешуші сәтте нақты мүмкіндік жасай алмады.
Осы жеңістің арқасында грозныйлық клуб 25 ұпай жинап, турнир кестесінде жетінші орынға көтерілді. 36 ұпайы бар ЦСКА төртінші сатыда қалды. Сондай-ақ матчқа «Ахматтың» сапында Қазақстан құрамасының тағы бір ойыншысы Ғалымжан Кенжебек тіркелді, алайда ол алаңға шыққан жоқ және ресми кездесудегі дебютін әлі күтіп жүр.
Айбар Рысдаулет
Иран құрамасы 2026 жылғы әлем чемпионатына қатысудан бас тартуы мүмкін
«Ақтөбе» бас бапкер мәселесіне қатысты ұстанымын айқындады