Роналду жарақатына байланысты Португалия құрамасының матчтарын өткізіп алуы мүмкін
Фото: Getty Images
«Әл-Наср» клубының және Португалия құрамасының шабуылшысы Криштиану Роналду жамбас артқы бұлшық етінен алған жарақатына байланысты ұлттық құраманың алдағы жолдастық матчтарына қатыспауы мүмкін, деп хабарлайды Pin-UpSport.kz. Қазіргі уақытта футболшы жарақаттан кейінгі қалпына келу кезеңін бастаған.
Инсайдер Фабрицио Романоның мәліметінше, 41 жастағы шабуылшының толық қалпына келуіне екі аптадан төрт аптаға дейін уақыт қажет болуы ықтимал. Осыған байланысты Роналдудың алдағы халықаралық ойындарға қатысуы әзірге нақты емес. Соған қарамастан тәжірибелі футболшы алаңға мүмкіндігінше тезірек оралуды жоспарлап отыр.
Криштиану Роналду бұл жарақатты 28 ақпанда Сауд Арабиясы чемпионаты аясында өткен матчта алған. Сол ойында «Әл-Наср» командасы «Әл-Фейха» клубымен кездесіп, 3:1 есебімен жеңіске жетті. Португалиялық шабуылшы кездесудің 81-минутында сан аймағындағы ауырсынуға байланысты алаңнан ауыстырылды.
Алдағы уақытта Португалия құрамасы екі жолдастық матч өткізеді. Команда 29 наурызға қараған түні Мехикода Мексика құрамасымен ойнаса, 1 сәуірге қараған түні Атлантада АҚШ құрамасына қарсы кездеседі. 2025/26 маусымында Роналду «Әл-Наср» сапында барлық турнирде 26 матч өткізіп, 22 гол соғып, төрт нәтижелі пас берген. Ал Португалия құрамасында ол 226 ойынға қатысып, 143 гол және 45 ассист авторы атанған.
Айбар Рысдаулет
Тайсон мен Мэйвезер жекпе-жегінің жоспарланған күні өзгеруі мүмкін
Поп-ММА жауынгері Нұрлан Сабуровты бокс жекпе-жегіне шақырды