Ресейдің екі топ-клубы қазақстандық жас ойыншыға қызығушылық танытып отыр
Даулет Орынбасар. Фото: АБФФ
«Қайраттың» бақылау кеңесінің төрағасы Қайрат Боранбаев ҚФФ президентінің кеңесшісі Нұрсұлтан Құрманға берген сұхбатында Даулет Орынбасарға қатысты соңғы жаңалықтармен бөлісті. Оның айтуынша, жас ойыншыға ресейлік ЦСКА және «Зенит» клубтары қызығушылық танытып отыр.
Боранбаевтың сөзінше, футболшыны бірден сатып жіберу емес, оны жаңа командаға дұрыс бейімдеп апару маңызды. Сол себепті «Қайрат» басшылығы болашақ клубты таңдауда футболшымен және оның ата-анасымен ақылдасып жатыр.
Қайрат Боранбаев Нұралы Әліптің мысалын келтірді. Ол да «Қайраттан» «Зенитке» ауысып, негізгі құрамның тұрақты ойыншысына айналған. Ал Даулет Орынбасар былтырғы маусымда QJ League U-17 бірден екі номинацияда жеңімпаз атанды: үздік ойыншы және үздік сұрмерген. Ол 17 матчта 28 гол соғып, 14 нәтижелі пас берген.
Айбар Рысдаулет
Қазақстан құрамасы Минскіде Беларусьпен жолдастық матч өткізеді
Бахтиер Зайнутдиновтың «Бешикташтағы» болашағы бұлыңғыр