Қазақстандық жас шахматшы гроссмейстер алуға жақын
Эдгар Мамедов. Фото: Lada.kz
Ақтаулық 14 жастағы шахматшы Эдгар Мамедов – Қазақстан тарихындағы ең жас халықаралық гроссмейстер атанды. Жасөспірім Испанияда өткен екі халықаралық турнирде керемет нәтиже көрсетті.
Әсіресе Semana Santa San Vicente del Raspeig 2025 турнирінде жарқ етіп көрінді. Мамедов 9 партияның 7-сінде жеңіске жетіп, бірде-бір рет жеңілген жоқ. Ең әсерлі сәт – шахмат әлемінің аңызы Василий Иванчукпен тең ойын көрсетті.
Қазір оның FIDE рейтингіндегі ұпайы – 2453. Гроссмейстер атағына ресми түрде қол жеткізу үшін небәрі 47 ұпай қалды. Бұл мәртебе FIDE Президенттік кеңесінің алдағы отырысында бекітілуі мүмкін.
Айта кетейік, Эдгар – Қазақстанның абсолют чемпионы, рапидтен Азия жеңімпазы және классикада Азия біріншілігінің күміс жүлдегері.
