Қазақстан УЕФА клубтар рейтингінде 39-орнын сақтап қалды
Фото: UEFA.com
Еурокубоктардың алғашқы іріктеу кезеңі аяқталғаннан кейін Қазақстанның жинақталған клубтық коэффиценті 10.625 болып қалды. Бұл нәтиже елімізге УЕФА рейтингінде 39-сатыда тұруға мүмкіндік беріп отыр, деп хабарлайды Pin-UpSport.kz.
Қазіргі таңда жалғыз жеңісті нәтиже «Қайратқа» тиесілі — алматылық клуб Словенияның «Олимпиясын» 2:0 есебімен жеңіп, Чемпиондар лигасының келесі кезеңіне өтті. Ал «Ақтөбе» өз алаңында «Легияға» есе жіберсе, «Ордабасы» Кутаисидің «Торпедосымен» тең түсіп, жарыстан шығып қалды.
УЕФА ережесіне сәйкес, рейтинг бес маусымдағы орташа нәтижеге қарай есептеледі. Егер бірнеше елдің ұпайы тең болса, соңғы маусымдағы көрсеткішке басымдық беріледі. Қазақстан қазіргі уақытта Косово мен Финляндиядан кейін келеді, бірақ Фарер аралдары, Мальта және Лихтенштейннен алда тұр. Көш басында — Англия, Италия және Испания.
