Қазақстан – Лихтенштейн: өз алаңындағы маңызды сын
Сборная Казахстана
10 қазанда Қазақстан құрамасы 2026 жылғы әлем чемпионатының іріктеу кезеңіндегі кезекті ойынын өткізеді. Бұл жолы қарсылас – Лихтенштейн. Матч Астанада өтеді және Талғат Байсуфинов шәкірттері үшін аса маңызды кездесулердің бірі болмақ.
Қазір біздің құраманың жағдайы күрделілеу: соңғы ойындарда нәтиже тұрғысынан тұрақтылық жетіспей жүр. Сондықтан бұл матч – өз ойынымызды түзетіп, жанкүйерлерге сенім ұялатуға тамаша мүмкіндік. Ал Лихтенштейн болса, қорғанысқа сүйеніп ойнайтын, қарсы шабуылда аз болса да қауіпті сәт жасайтын команда. Мұндай қарсыласқа қарсы асықпай, салқынқанды ойнау – басты талап.
Байсуфинов бұл жолы жастарға көбірек мүмкіндік бермек. Құрамда «Елімай», «Женіс», «Оқжетпес», «Ордабасы» секілді командалардан келген жаңа есімдер бар. Дегенмен тәжірибелі ойыншылар – Бақтиер Зайнутдинов, Исламбек Қуат, Ян Вороговский секілді футболшылар да қатарда. Ал Дастан Сәтпаев жарақатына байланысты алаңға шықпауы мүмкін.
Қазақстан бұл ойында бірінші нөмірмен ойнайтыны анық. Қарсылас қақпасын ашу үшін допты тез қозғалту, фланг арқылы шабуыл құру және соңғы пас кезінде дәлдік керек. Сондай-ақ қорғаныстағы үйлесімділік те үлкен рөл атқарады – соңғы матчтарда осы тұста қателіктер болған еді.
Бұл матч – тек үш ұпай үшін емес, команда рухын қайта көтеру үшін де маңызды. Егер біздің жігіттер өз ойынын тауып, сенімді ойнаса, жеңіс те, жанкүйердің қолдауы да өзінен-өзі келеді.
Енді бәрі алаңдағы ойынға байланысты. Астана жанкүйерлері ұлттық құрамадан жарқын жеңіс күтеді.
