Қазақ чемпионы допинг дауына ілікті
Фото: Offside.kz
Кураштан әлем чемпионы Әбілқайыр Мәуленин уақытша жарыстардан шеттетілді. Бұған спортшы тапсырған допинг сынамасы себеп болды, деп хабарлайды Pin-UpSport.kz.
Халықаралық тестілеу агенттігінің (ITA) мәліметінше, 2024 жылдың 17 желтоқсанында Өзбекстанда өткен World Series Pro финалынан кейін алынған сынамадан экзогенді тестостерон табылған. Спортшы бұл жайында хабардар етілді және енді «Б» сынамасын қайта қарауды сұратуға құқығы бар. Егер екінші нәтиже де оң болса немесе талдау сұратылмаса, бұл антидопинг ережелерінің бұзылуы ретінде қарастырылады.
Айта кетейік, желтоқсанда Әбілқайыр ирандық Пакдел Элясты жеңіп, алтын медаль иеленген болатын. Бұдан бөлек, 2023 жылдың қарашасында Ашхабадтағы әлем чемпионатының финалында ол түрікмен балуаны Шатлык Жуманиязовты ұтып, 73 келі салмақта топ жарған еді.
